حیدر بابا،ایلدریملارشاخاند ا
سئللر،سولارشاقلیدایوب آخاندا
قیزلاراونا صف باغلیوب باخاندا
سلام اولسون شوکتوزه،ائلوزه
منیمده بیر آدیم گلسین دیلوزه.
حیدربابا، گون دالیوی داغلاسین
اوزون گولسون،بولاخلارون آغلاسین
اوشاخلارون بیر دسته گل باغلاسین
یئل گلنده وئر گتیرسین بویانا
بلکه منیم یاتمیش بختیم اویانا
حیدربابا، یولوم سندن کج اولدی، عمروم گئچدی،گلمه دیم گئج اولدی
هئچ بیلمه دیم گوزه للرون نئج اولدی بیلمزدیم دونگه لروار،دونوم وار،
ایتگین لیک وار،آیریلیق وار،اولوم وار،
حیدربابا،کهلیکلرون اوچاندا
کول دیبینن دوشان قالخوب،قاچاندا،
باخچالارون چیچکلنوب آچاندا
بیزدن ده بیر ممکن اولسان،یاد ائله
آچیلمیان اورکلری شاد ائله.
Copyright © 2008 www.Moghanimiz.blogfa.com
Design By : M.Salemi 09143579146
infomoghanimiz@gmail.com
تمپ ساز
